febbraio 5, 2005

 

-Ma tue kale ses,
su prus minore?

-Nono, ziu Pascà, deo so’ su mannu, su minore est Andrea.

-Tando tue ses Bobore? Fizzolu meu? Ma a l’ischis chi non ti
fio konnoschende! E pensae ki t’app’iu naschinde, si potet narrer. Ammento ki
cun babbu tou ke fimus in cantiere, in oros de Orosei, tando fimus fraighende
sas domos de Calapinnettu. Nos toccaiat de abbarrare finzas a de notte pro ke
pesare sos muros impresse. Eeeh, kussos sì kin fin tempos bellos, non comente
commo ki non si potet fachet prus nudda, kin kustas lezzes nobas ki su mare lu deppes appompiare kin su binocolo. A l’iskis ki m’ana bloccau tottu sos
prozzettos, robba ‘e maccos, pro curpa de sa preppotenzia de custu guvernadore
nou. Nooo, ma deo ando addeinnantis su matessi, e no b’ ada a pensare su cavaglieri?  Ki
tottu sos terrinos ki appo comporau in costa, commo si balent sa medade!

E m’ammento ki semus partios impresses e furias, pro torrare
a bidda, sa notte ki ses naskiu. Babbu tou fit cuntentu ke pasca…su primmu
fizzu. Eeeeh, grand’omine, babbu tou, operaiu de gabbale, fachiat su traballu
de deche omineddos de commo.

Ma e tue non  fis
arruoladu kin sos carabbineris, o no?

       -Eja, ziu Pascà.
-E proite non ses
in divisa ?
-Commo non b’aiat bisonzu, ziu Pascà.
-Beh, sezzi, ca ti cumbido, b’appo unu ticcu ‘e binu k’este unu
mele.
– 
Nono, ziu Pascà, bestiebos, deppimus andare.

-Andare a inue?

-Sezzis in arrestu, ziu Pascà.

Annunci

Rispondi

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...

%d blogger hanno fatto clic su Mi Piace per questo: